طول ما

طول ما انتِ بتعرفي تضحكي .. هاتتحبي و وقت ما انتِ بتضعفي .. هاتلاقي قلوب بتدعيلك و لما تفرحي هاتلاقي ناس فرحنالك .. كام مرّة كنتي فيها حلم و سرّ سعادة إنسان مايمثلكيش اي حاجة .. و كام مرّة حد كان بيراقب تفاصيلك من بعيد .. و يحبك من بعيد لبعيد .. و يستناكِ .. و يتمناكِ .. كام بلد مستنية خطوة رجلك فيها .. و كام فكرة مستنياكِ تفكري فيها .. و كام حلم نفسه يتحقق على إيديكِ انتِ .. كام غنوة عايزة تتغنّى بصوتك .. ورقصة بتمايل خصرك و شعركِ على كتفكِ كام وردة مستنياكِ تسقيها و تلمسيها .. و فساتين كتييييرة اوي مستنياكِ تلبسيها .. الدُنيا مستنياكِ تفتّحي و وردك يزّرع .. فامتتأخريش :))