#للرجال فقط : * تخيل نفسك أول ما تنزل من بيتكوا تلاقي نظرات البنات جايباك من شعرك لصوابع رجلك ! * تركب تاكسي تلاقي السواقة بتعدل المراية عشان تبص علي شعر صدرك مثلآ ! * تركب ميكروباص تلاقي بنت جت لزقت فيك وبتتحرش بيك ! * تنزل أنت وصاحبك لوحدكوا تتمشوا شوية تلاقي شلة بنات راكبين عربية بيكسروا عليكوا و بيقولولك : ما تيجي و نجيب مليجي ! * تنزل تشتري حاجة وأنت بتدندن شوية مع نفسك تظهر فجأة بنت تقولك مالك ياض يا شمال ! * تقف تستني حد في الشارع تلاقي بنت #فتحتلك عربيتها وبتقولك تعالى وأديك 200 جنية فأنت تمشي بعيد عنها ! تكمل وراك وتقولك طب خليهم 500 ؟ أنت هاتعملي فيها محترم ! * تروح تقدم في شغل قوم البنت اللي هاتكون مديرتك تتصل بيك و تقولك أنت عجبتني أوي وهاشغلك أحلي شغل و هتبقى مدير مكتبي بس نتقابل برا ! * ترجع تعيط لمامتك .. تقولك تستاهل .. الولد المحترم مابيردش ع اللي بيعاكسه * و ف الآخر تجيلك عروسة هطلة بس عندها شقة فأبوك يقولك وافق أحسن ما تبقي عانس تخيلت ؟؟ إحساسك إيه بقي ?!! خليك راجل وقدر معاناة البنت فى مجتمعنا .. دافع عنها وحاول تخفف من عليها متبقاش عاهة من ضمن العاهات اللى بتواجهها .. #استرجل