المرأة بتبقي عاملة زي العمارة او المبني ... قبل الزواج بتعتمد على أعمدة كثيرة في حياتها فالعمود الأول : ممكن يكون اهلها والعمود الثاني :ممكن يكون صحباتها والعمود الثالث : ممكن يكون دراستها او شغلها والعمود الرابع : ممكن يكون هواية بتمارسها و بتحبها وطبعا بيبقي فيه العمود الديني والعمود النفسي بتبقي سعيدة في حياتها وهي بتعتمد على أعمدة ترفع بها نفسها وتسعد بها ولكن بعد الزواج بتلغي كل الأعمدة دي وبتحط عمود واحد هو زوجــــها ولكن هل عمركم سمعتم عن عمارة او مبني ارتفع او استمر بعمود واحد ؟! تلاقي الزوجة طوال وقتها في عدم استقرار وعدم توزان !! لأنها اعتمدت على عمود واحد ولو اتجوز زوجها أو طلقها أو أهملها تلاقيها انهارت وتكسرت ! ده شئ طبيعي فالعمود اللي اعتمدت عليه راح أو أصبح جزء منه لغيرها عشان كده زوجك لازم يكون إضافة جميلة في حياتك وبه ومعاه تعيشي لحظات سعادة إضافية.. لكن مع بقاء الأعمدة التانية في حياتك وازني بين أمورك فخير الأمور أوسطها وأعدلها وأسعدي نفسك عشان تقدري تسعدي اللي حواليكي