مع ماما.. دخلتى المطبخ ما دخلتيش .. كله واحد وممكن ماما تساعدك انما مع جوزك ..مش بمزاجك .. ها تدخلى .. هاتدخلى مع ماما. فى العيد بيتديلك العيديه وفوقيها بوسه .. لكن مع جوزك .. بيقول انت خلاص كبرتى على الحاجات دى مع ماما. بتنامى وتصحى وقت ما انتى عايزه .. مع جوزك .. وقت ماهو عايز .. او مع مواعيد شغله. مع ماما.. بتشترى هدومك ومكياجك وكل اللى انتى عايزاه .. ويبتقولك حلو قوى عليكى مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى والمرتب مع مامالو حصل حاجه مثلا و كنتى زعلانه .. بيتزعل عشانك .. مع جوزك .. بيزعل منك .. ويلومك ازاى تزعلى اصلا ماما .. كلمه حلوه ترضيها .. وجوزك .. طول الليل تحايلى فيه مامتك وانتى عيانه .. سهرانه جنبك طول اليوم انما جوزك بيروح ينام فى الاوضه التانيه. ماما .. لما تدلعى عليها .. بتفرح بيكى انما جوزك .. بيقولك ..اكيد عايزه حاجه ماما. لما تقولى ليها .. ده حصل كذا وكذا .. بيتهتم ويصدقك انما جوزك .. بيقولك .. الموضوع دا وراه ان .. ويشك فى كلامك ماما. لو شافتك بتعيطى ها تمسح دمعتك انما جوزك .. ها يقولك يادى النكد مع ماما.. لو طلبتى دوا من الصيدليه . جرى ها ينزل يجيبه لكن جوزك ها يسالك بكام الأول؟ ماما. لو طلبتي منها كوباية ميه .. بيتقولك لو سمحتى عايز ه ميه انما الباشا يقولك قومى هاتى ميه ماما لو نازلت مشوار .. بيتعمل ليكى اعتبار ويديكى خبر لكن جوزك .. بيختلس عدم وجودك قدامه عشان ينزل من وراكى ولو قفشتيه يقولك انا نازل ويقفل البابا بسرعه لو محتاجه فلوس فى حاله طارئه .. ماما ها هتديكي من عينيها لكن جوزك .. ها يقولك خدى من بابا لو ما فيش فى التلاجه غير ازازة بيبسى واحده ..ماما هاتسيبها لك بنفس راضيه لكن جوزك ها يقول معلش انا لازم ابلع او ها يقسمها معاكى لو اتزحلقتى على الارض ..باباكى ها يجرى يشيلك جوزك ها يقعد يضحك ويقولك ما انتى اللى مش منشفه الارض كويس لو نفسك تغيرى مكان السجاده ..باباكى ها يقوللك عنك دى تقيله عليكى لكن جوزك ها يقولك مش ضرورى وجع القلب دا لو العربيه عطلت بيكى .. بابا.. ها يقولك اقفليها وتعالى وانا ها اتصرف جوزك .. ها يقولك متركبيش العربيه تانى لو مقدمه على شغل ..باباكى.. ها يوصى عليكى طوب الارض لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره باباكى لو لاحظ انك متخانقه مع اختك .. ها يصالحكوا على بعض لكن جوك هيقولك خليهم يولعوا دول عيله عجب مهماماما كانت متضايقه .. لا يمكن تكلميها وتلاقيها مكشر ه لكن جوزك.. لو متضايق .. مصر كلها هتنكد عليكي استحملى بقى نصيحه خليكي عند بابا وماما ^_^ بس الكلام ده ليكو بس انا لا خلاص شفت نصيبى =D كل ما يهم المرأه العربيه