تحذير لكل أم شــــــير فى الخــــــــير ممكن كل ام تعمل شير في صفحتها يا كل ام ارجوكي اعملي شير لو بتخافي علي صحة ولادك اكيد ولادك او حد من صحباتك بتشتريه ممكن تقري كلام اخت في ااحدي المنتديات يارب تكونو بصحه وسعاده وهنا وراحة بال وربنا يسعد ايامكم وينور حياتكم ويوسع فى ارزاقكم اللهم امين يابنات الاولاد نعمه والبنات المتجوزوش مننا زى حالاتى كده بيتمنوه وال اتجوزو وخلفو عارفين غلاوة الضنا الاولاد هبه من عند الله بس ياترى انتى بتحافظى عليها ؟؟؟ هقولك على كام حاجه كده وكلامى من مصادر موثوقه 100% عارفه البريك ال ده صورته ده بقى ياستى انا اعرف حد وهو قريبى وكان بيموت فيه وبياكلو ديما شاء القدر انه يشتغل ف المصنع بتاعه مبقاش بياكله ولو شاف ولاد اخواته بياكلو منه يزعق ويتخانق معاهم الدقيق ال بيستخدموه منتهى الصلاحيه والمخازن ملايانه فران حتى فى مره فاره ولدت على شوال دقيق مفتوح مشو الفاره وشالو الدقيق ال عليه دم اخدو الباقى واشتغله بيه عادى الدقيق بيكون فى الارض بيدوسو عليه بالجزم وبيلموه ويدخلوه المكن ويشتغلو بيه عادى النكهات بيجوها فى شكاير احيانا بيكون فيها صراصير بينخلوها وياخدو البودره ال عايش فيها الحشرات والصراصير عادى جدا والمكن عمره مابيتنضف ولا بيتغسل ولا اى حاجه هو ورانى صوره للمصنع بجد مقرفه ولا منظر العمال وهما بيدوسو على شكاير الدقيق برجليهم والدقيق مليان حشارت وفيران بتجرى من هنا وهنا بحكى لواحده صاحبتى وبقولها تصورى فراحت قالتلى بصى انا اخو جوزى اوقات بيطلع حملات تفتيشيه تبع شغله هو شغال فى الصحه وبيشوف البلاوى دى فى مصانع اللانشون واللحوم البارده الفيران والحشرات واخر قرف ومنعنا نشتريه وكمان الكاكولا والبيبسي بتقولى اخر قرف العمال مش نضاف والمكن مليان بلاوى وبيشتغلو عادى وبيقول للناس بلاش من الحاجات دى مهما كانت سعرها ولا المركه بتاعتها هى مش نضيفه ومش مضمونه وكلو بيمشى بالرشاوى وهو مفيش فى ايده حيله عمل ال ميتعملش ومفيش نتيجه الاغرب بقى فراخ كوكى جارتى بتحلف ان ليها واحد معرفه شعال هناك الفراخ بتبقى ميته مش مدبوحه وممكن يكون فيها اجزاء بايظه او مريضه بيقطعو الجزء البايظ والمدود وياخدو باقى الفرخه مع الخلطه والنكهات بيغطو عليها وان تاريخ الصلاحيه والصناعه ده تاريخ اليوم ال اتعبت فيه ممكن تقعد عندهم فى التلاجات بالشهور وتكون فعلا ابتدت تبوظ يابنات وياستات اولادنا امانه وصحتنا امانه بلاش الله يخليكم تضيعوها انا لفيت على جيرانى وعلى معارفى وقررت اكتبلكم هنا عشان بجد حرام الشعب كله صحته بقت مش حلوه وخصوصا الاطفال البلاوى ال بتدخل جسمنا دى حرام والله حرام خلينا نرجع تانى ناكل من بيوتنا نحضر الاكل 100% من البيت عشان كده حرام علينا صحتنا امانه انا مش طالبه منك الا دعوه لمصر وليا بصلاح الحال حافظو على ولادكم هما المستقبل وهما الامل فى بكره مقووووووووووووله