كام بنت جرحتها ؟ كام بنت وعدتها إنك هتفضل معاها وسبتها بعد كام يوم ؟ وانتى كام ولد جرحتيه ؟ كام ولد قولتيله " بحبك " وتانى يوم قولتيها لغيره ؟ هو الحُب بالنسبه لحضرتك إيه ! إنتَ تعرف معنى " الحُب " ؟ مش قصدى أقولك إنك مبتفهمش ، لالا خالص أنا بس عايز أفوقك من وهمك الحُب مش عباره عن كلمتين ولا خروجه جامده ! ولا تتصل بيها تلاقيها " Waiting " تقوم تزعق وتعمل فيها راجل وتزعل شويه ، وهيَ تيجى تقولك دى صاحبتى والله متزعلش يا حبيبى الحُب ده حُب فاشل حب مسروق ، مُدة صلاحيته إنتهت من أول ماقولت كلمة " بحبك " حُب إنتَ نَفسك مش راضى عنه بس بتعند وتقول " أنا فرحان عشان معاها " من الأخر كدا مفيش حاجه بتتسرق ، وتفضل معاك إنتَ مُتأكد إنك هتتجوزها ؟ أتحداك لو قولت " أه " وانتى متأكده إن والدك هيوافق لو عرف إنك بتكلميه من وراهم وبتخرجى كمان معاه ! أتحداكى لو قولتى " أه " يا جماعه كفايه كذب وضحك على عقولكم إنتَ عارف أصلا اللى إنتَ بتعمله ده غلط بس مش عايز تعترف وتقول " يارب سامحنى أنا أسف " ياترى هتفرح لما تقابل واحده كانت بتعمل زيك ؟ اللى إنتَ متعرفوش يا صديقى إن " كما تُدين تُدان " وانتى عارفه كدا ولا لا ؟ نفسِك تسمعى كلام حلو ؟ والله هتسمعى أحلى كلام بس لازم تصبرى وإنتَ هتخرج أحلى خروجه بس ساعتها " ربنا " هيكون راضى عنك إصحى بقى من " حلمك " اللى نهايته هتبقى " أصعب نهايه " وإرجع لـِ " ربنا " وإعتذرلُه وقوله سامحنى وانتى كمان إرجعى لـِ " ربنا " ومتمشيش فـِ سكه انتى مش عارفه نهايتها إيه ! عشان " ربنا " يكرمك إنتَ وهيَ ويرزقكم بالذريه الصالحه ، #هاجر